Истражување на социо-економскиот контекст
на радикализација и насилен екстремизам
ЈАВЕН ПОВИК за:
(1) експерт консултант и (5) експерти теренски истражувачи за спроведување на
Истражување за социо-економскиот контекст на радикализација и насилен екстремизам во целните општини во Северна Македонија
За Здружението за акција против насилство и трговија со луѓе – Отворена порта / Ла Страда Македонија
Отворена порта – Ла Страда е здружение на граѓани, кое ги промовира човековите права и ги застапува интересите и потребите на лицата кои се под ризик или претрпеле насилство и трговија со луѓе преку превенција, социјална поддршка и лобирање на национално и европско ниво преку членството во Ла Страда Интернационална- Европска мрежа за борба против трговија со луѓе.
НИЕ обезбедуваме заштита, зајакнување на капацитетите и интеграција на тргуваните лица и другите ранливи групи во општеството.
Позадина на проектот
Проектот „Градење на отпорни и инклузивни заедници“, ја поддржува целта да се изградат локални отпорни заедници против насилниот екстремизам и радикализација преку градење капацитети и поддршка на заедниците и ранливите групи во процесот на П/СНЕ[1] и рехабилитација и реинтеграција (РР) во земјата. Со интервенцијата, проектот се стреми да ги зајакне постојните институционални П/СНЕ и РР на централно и локално ниво за да ги направи одговорни преку активно ангажирање во процесот на П/СНЕ и РР за лицата на кои им е потребна, и да ги зајакне заедниците да станат отпорни против насилниот екстремизам, преку промовирање на социјална кохезија и алтернативи. Активностите на проектот се усогласени и компатибилни со националните стратешки документи за П/СНЕ и националниот план на земјата соодветно да се справи со овие прашања и да ги подобри услугите притоа обезбедувајќи соодветна поддршка на поединците и заедниците на кои им е потребна. Активностите ќе бидат фокусирани на спроведување на проценка на социо-економските аспекти од насилниот екстремизам , развој на оперативни документи и градење на капацитетите на државните институции на централно и локално ниво и другите вклучени актери, олеснување на размена на искуства во рамките на балканскиот регион и активности кои ќе го поддржат ангажманот на заедницата и социјалната кохезија за учениците, локалните актери, медиумите и религиозните групи.
Цел, опсег и задачи
Истражувањето треба да го идентификува и истражи социо-економскиот аспект и клучните фактори кои влијаат на радикализацијата и насилниот екстремизам во општините, вклучително и социо-економските, политичките и културните двигатели.
Целта на истражувањето е подобро да се идентификуваат социо-економските ранливости, положбата на ранливите групи и изворите на помош за справување со тие ранливости. Прашањето од интерес е улогата на социо-економските фактори како основа за регрутирање на одредени категории млади и жени во насилен екстремизам и радикализам и пошироката перспектива на изворите на ранливост, опфаќајќи ги и индивидуалните и аспектите на заедницата. Истражувањето ќе придонесе за разбирање на можностите, предизвиците и динамиката на моќта поврзани со П/СНЕ. Дополнително, извештајот ќе обезбеди подобро разбирање на состојбата во земјава ,локалниот контекст на насилен екстремизам, како и потенцијални начини за нивно соодветно решавање.
Испораки на резултати
✔ Методологија
✔ Анализа на податоци, теренски посети, експертски интервјуа, најмалку шест фокус групни дискусии
✔ Извештај за истражувањето
✔ Презентација на истражувањето
Истражувањето треба да биде насочено кон конкретни локални заедници и да се спроведува во период од најмногу 6 месеци почнувајќи од февруари – март 2022 година. Предвидува состав на тим со соодветно искуство, 1 главен истражувач со ангажман од најмногу 20 дена и 5 помошни членови со ангажман најмногу 15 дена.
Методологија и алатки за собирање податоци
Давателот на услугата се охрабрува да користи комбинирани методологии, квантитативни и квалитативни извори за да ги собере потребните податоци за подготовка на истражувањето, наодите и препораките. За време на собирањето на примарни и секундарни податоци, давателот на услугата ќе се консултира и тесно ќе соработува со Отворена Порта/Ла Страда.
Квалификации за давателот на услугата
Давателот на услугата (или тимот) мора да ги исполнува следните карактеристики:
✔ Високо образование по општествени науки, статистика, социологија, економија и сродни области на студии, магистерска и докторат е значајна предност.
✔ Најмалку пет години работно искуство во истражување на општествените науки и анализа на податоци или во меѓународна организација, академија или слична средина. Искуството со квалитативно истражување е важна предност.
✔ Искуството со работа на истражување поврзано со насилниот екстремизам е од суштинско значење и да се знае и да се разбере контекстот на насилниот екстремизам/радикализација П/СНЕ
✔ Знаење, вештини и искуство во истражување и евалуација (вклучително и на слично чувствителни теми);
✔ Познавање и разбирање на локалниот политички, економски и социјален контекст;
✔ Познавање на локалниот јазик;
✔ Дизајнирање и приспособување на методологиите и алатките за собирање примарни податоци (на пр. прашалник, интервјуа, дискусии во фокус групи);
✔ Искуство во примена на техники за земање примероци, доколку е потребно;
✔ Свесност за локалната динамика и етичките размислувања при собирањето податоци;
✔ Достапност да се води тим од поединци и/или помошен персонал кој ќе биде вклучен во собирањето податоци и завршувањето на задачите
✔ Зрелост и професионална способност за ракување со чувствителни информации и способност за почитување на доверливоста на таквите информации додека работите со Отворена Порта, па дури и по завршувањето на договорот.
Краен рок за поднесување на апликацијата
Предлозите треба да се испратат до Здружението за акција против насилство и трговија со луѓе Отворена порта до 24 јануари 2022 година на lastrada@lastrada.org.mk.
Апликантот во предметот ќе цитира „Апликација за изработка на Истражување за социо-економскиот контекст за радикализација и насилен екстремизам во целните општини“.
Процес на аплицирање
Предлозите треба да бидат на македонски јазик, да ја следат структурата и/или да се усогласат со барањата наведени подолу:
✔ Кратка позадина на давателот на услуги (тимот) со истакнување на релевантно истражување и претходно искуство со истражување, собирање податоци, нацрт на анализа, извештаи и/или П/СНЕ и РР
✔ Објаснување за тоа како давателот на услугата ќе се посвети на извештајот од истражувањето
✔ Предлог методологија/и кои ќе се користат
✔ Пристап во однос на методологијата, временската рамка, прибирањето на примарни и секундарни податоци
✔ Состав на тимот со релевантна кратка биографија за секој член на тимот (1 главен истражувач и 5 придружни членови)
✔ Најмалку 2 претходно спроведени релевантни истражувања (да се приложат како посебни документи)
[1] Превенција на насилен екстремизам и спротивставување на насилен екстремизам.
